எந்த விஷயத்தில் இறங்கும் போதும் அதைப்பற்றி சற்றேனும் அறிதல் வேண்டும் –

மைக்கேல் ஜோர்டான்.

கூடைபந்தாட்ட விளையாட்டில் கொண்டாடப்படும் வீரர்களில் முதன்மையானவர் என்று மைக்கேல் ஜோர்டானை கூறினால் அது மிகையாகாது. உலகமுழுதும் உள்ள கூடைபந்தாட்ட வீரர்கள் மற்றும் ரசிகர்களால் மிகவும் நேசிக்கப்படும் அருமையான விளையாட்டு வீரர்.

கூடைபந்தாட்ட விளையாட்டின் வரலாற்றில் 1980 முதல் 1990 வரையிலான காலம் ஜோர்டான் காலம் என்று அழைக்கப்படுகிறது.

கிரேக்க சின்னமான ஒமெகா என்னும் சின்னத்தை தனது மார்பில் வரைந்திருப்பார். அது அவரின் ராசியான சின்னமாக கருதப்பட்டது.

ஜோர்டானுக்கு பிறந்த குழந்தைகள் மூவரும் டிசம்பரில் பிறந்தவர்கள்.

ஜோர்டான் 150 வகையான விளையாட்டு உடைகளையும் அதற்கு தகுந்தாற்ப்போல காலணிகளையும் தயார் நிலையில் வைத்திருப்பார்.

ஆட்டத்திற்க்கு முன்பு 4மணி நேரம் வாயையும் வயிறையும் கட்டி வைத்திருப்பார்.

ஆட்டத்திற்க்கு முன்னர் தன் அறையை வெப்பதன்மை கொண்ட அறையாக பராமரிப்பார்.வெப்பதன்மை வேக அளவையும் நோய் எதிர்ப்பு தன்மையையும் உண்டாக்கும் என்று மிகவும் நம்பினார்.

இவரை தவிர இவரது குடும்பத்தில் யாரும் 6 அடி உயரத்துக்கு மேல் இல்லை.

ஜோர்டான் 5 வகுப்பு படிக்கும் போது சகமாணவி அஞ்செலா வெஸ்ட் என்னும் பெண்ணுக்காக பள்ளி பேருந்தில் தனக்கு அருகே இடம் பிடித்து தருவார்.ஆனால் அந்த பெண் ஒரு நாள் கூட மைக்கேல் அருகே உட்கார்ந்தது இல்லை.

ஒரு ஆட்டத்தில் சராசரியாக 30 புள்ளிகளை குவிப்பது மைக்கேலின் சிறப்பம்சமாகும்.

ஜெர்சி எனப்படும் விளையாட்டு உடையின் எண்23 இவரை அடைந்தது சுவையான சம்பவம்.பள்ளி விளையாட்டுகளின் போது இவரது அண்ணன் லாரி 45என்ற இவரது சட்டையை எடுத்துக்கொண்டார் மனமுடைந்த இவர் அதில் பாதியான் 22 எடுத்து அதன் முழுமை 23 தனது எண்ணாக தேர்ந்தேடுத்தார்.பல சாதனைகளின் போதும் 23 இவரை தொடர்ந்தது.23 எண் என்பது கூடைபந்து விளையாட்டின் கெளரவ எண்ணாக பார்க்கப்படுகிறது.

NBA என்னும் அமெரிக்காவின் தேசிய கூடைபந்து விளையாட்டு கழகத்தின் சார்பாக நடைபெறும் உலக புகழ் பெற்ற லீக் போட்டிகளில் இவர் ”சிகாகோ புல்ஸ்” அணிக்காக விளையாடினார்.இது இவரின் புகழை உலக அளவில் கொண்டு போய் சேர்த்தது.

1984 லாஸ்ஏஞ்சல்ஸ் 1992 பார்ஸிலோனாவில் நடைபெற்ற ஒலிம்பிக்கில அமெரிக்க அணி தங்கம் வென்றதில் இவரது பங்கு மகத்தானது.

1986-87ல் முதல் முறையாக 3000 புள்ளிகளை எட்டிய ஆட்டக்காரர் என்ற சிறப்பினைப்பெற்றார்.

NBA லீக் போட்டிகளில் சிகாகோபுல்ஸ் அணியை வழிநடத்தி ஆறு முறை வாகையர் பட்டம் சூட வைத்துள்ளார். NBA வினால் மதிப்பு மிக்க ஆட்டக்கார்ர் என்னும் விருதினை 5 முறை பெற்றுள்ளார்.

1996ஆம் ஆண்டு ஸ்பேஸ்ஜாம் என்னும் திரைப்படத்தில் நடித்தார்.அதில் கார்டூன்களோடு சேர்ந்து விளையாடும் படி அமைந்திருந்ததால் குழந்தைகளிடம் மிகவும் பிரபலமடைந்தார்.